काठमाडौं, १८ फागुन । यातायात व्यवस्था विभागले मंगलबारदेखी राजधानीका विभिन्न स्थानमा संचालनमा रहेका ट्याक्सीको अनुगमन गरी कारबाही गर्न थालेको छ । यससँगै मनपरी भाडा असुलेर यात्रुलाई ठग्ने ट्याक्सीलाई कडा कारबाही हुने भएको छ ।


विभागले मिटरमा गुड्न अटेर गर्ने १० वटा ट्याक्सीको कागजात नियन्त्रणमा लिएको छ र उनीहरुलाई ५ हजार रुपैयाँसम्म जरिवाना गर्ने तयारी गरेको छ ।



विभागका प्रवक्ता बसन्त अधिकारीक अनुसार उपत्यकामा चल्ने ९० प्रतिशत बढी ट्याक्सीले मिटरमा उठेको रकमभन्दा बढी भाडा लिने गरेको पाइएको बताए । ब्ल्याकमा तेल हाल्नुपरेको बहाना बनाउदै ट्याक्सी चालकले मनपरी भाडा उठाइरहेको पाइएकाले त्यस्तालाई कडा कारबाही गर्ने चेतावनी समेत विभागले दिएको छ ।