मिडिया एनपी, काठमाडौं, ११ फागुन । नायिका रेखा थापाको ‘रामप्यारी’ रिलिज मिति नजिकिदै गएको छ । फिल्म रिलिज मिति नजिकिदै गर्दा नायिका थापाले फिल्मको प्रचार प्रसारलाई पनि तिब्रता दिएकी छन् । आउँदो चैत्र २६ गतेबाट अल नेपाल रिलिजको तयारीमा रहेको ‘रामप्यारी’ नयाँ गीत सार्वजनिक भएको छ । रेखाले डान्सिङ नम्बर ‘छमछमती पाउजु बजाएर नाच’ बोलको गीत रिलिज गरेकी हुन् ।

यो गीतमा नायिका थापाका साथमा उनले यसै फिल्मबाट रंगीन दुनियाँमा होमिएका उनका छोरा आभास अधिकारी देखिएका छन् । साथमा गीतमा फिल्ममा आभासको जोडी भनेकी आष्मा पनि रहेकी छन्।गीतमा थानेश्वर गौतम र माण्डवी त्रिपाठीको स्वर रहेको छ बने संगीत थानेश्वरले दिएका हुन् ।

रामजी लामिछानेले करियोग्राफी रहेको फिल्मलाई सबिर श्रेष्ठले निर्देशन गरेका हुन् । नायिका थापाले फिल्मलाई नारी प्रधान फिल्म भनेर प्रचार गर्दै आएकी छन् ।