जिवनमा मायाप्रेम तथा विश्वास भन्दा ठूलो कुरा केही हुँदैन र मायाप्रेमका अगाडि सुनचाँदी र हिरामोतीको कुनै अर्थ रहँदैन भन्ने आदर्शमय कुरा धेरैले गर्छन् । तर यस्तो आदर्शलाई घाममा सुकाइदिने काम गरेकी छिन् चीनकी एक युवतीले । दक्षिण पश्चिमी चीनको चेंग्दू सहरकी एक युवतीले हिराको औँठी सानो भएको भन्दै आफ्नै ब्वायफ्रेण्डले राखेको विवाहको प्रस्ताव अस्विकार गरेकी छिन् ।


विशेष समारोहबीच विवाहको प्रस्ताव गर्न ठीक्क परेका प्रेमीले आफ्नो लागि उपहारको रुपमा ल्याएको हिराको औँठी सानो भएको निहुँमा उनले युवकको बिहे प्रस्तावलाई लात हानेकी हुन् ।
युवकले हिराको औँठीको साथ युवतीलाई प्रपोज गर्ने र कुरो प्रपोजल समारोहलाई रमाइलो बनाउनका लागि सांगितिक समूह समेत तयार पारेका थिए । सांगितिक समूहले सहरको चोकमा नाचगान प्रस्तुती पनि गरेको थिए । आफ्नो ब्वाइफ्रेण्डले आफ्नो खुसीका लागि यति धेरै गरेको देखेर सुरुमा त युवतीका आँखाबाट आँशु खसे । तर जब युवकले प्रपोज गर्ने बेलामा उनलाई औँठी लगाइदिन खोजे तब युवतीले तत्कालै आफ्नो हात खोसिन् । औँठी सानो भएको भन्दै उनी युवकको विवाह प्रस्तावलाई लत्याउँदै त्यहाँबाट हिँडिन् ।
पहिले कुराकानीका क्रममा एक क्यारेटको हिराको औँठी लिएर आउने समझदारी भएपनि केटाले सानो औँठी ल्याएर आफुलाई झुक्याएको युवतीको गुनासो छ । यो घटनाका बारेमा चिनिया सोसल साइटमा खुबै चर्चा भइरहेको छ र धेरैले युवतीलाई आलोचना गरेका छन् ।

- See more at: http://www.zoomnp.net/archives/20014#sthash.pOrJ3PSH.H1GZHxKn.dpuf

काठमाण्डौ। ‘हामी उठ्ने छौं’ फाउन्डेसनको सहयोगमा बुधबारदेखि सामूहिक कला प्रदर्शनी सुरु भएको छ । अभिनेता राजेश हमालले केक काटेर सुरु गरेको प्रदर्शनी पुस १९ सम्म चल्नेछ ।

प्रदर्शनीमा १९ जना कलाकारका ७० भन्दा बढी चित्रकला छन् । उद्घाटन कार्यक्रममा बोल्दै हमालले ललित कला अध्ययनरत विद्यार्थीहरुले नेपालको चित्रकलालाई उठाउने प्रयास गरेमा खुशी ब्यक्त गर्दै हामी सबै आ–आफ्नो स्थानवाट उठ्नु पर्छ भने । उक्त कार्यक्रममा फ्रान्सका पूर्व राजदूत मोहनकृष्ण श्रेष्ठको पनि उपस्थिति रहेको थियो ।




प्रदर्शनी सुरुवात गर्दा अभिनेता हमाल, अभिनेत्री शिल्पा पोखरेललगायत थिए । त्रिभुवन विश्वविद्यालय अन्तर्गत स्नातकोत्तरको दोस्रो सेमेस्टर अध्ययनरत कलाकार विद्यार्थीहरूले गरेको ‘हामी उठ्ने छौं’ सामूहिक कला प्रदर्शनीमा भुफान लिम्बू, विकास श्रेष्ठ, विकुकुमार थापा, जया शर्मा, दीपक मेहता, दीपाञ्जली राजभण्डारी, ध्रुवराज शर्मा, जेनी घले, जुजुकाजी श्रेष्ठ, लक्ष्मी मगर, मन गुरुङ, ओम गुरुङ, प्रमिला लामा, प्रमोदकुमार तण्डुकार, ऋतु थापा, शोभा तिवारी, सुदेशा श्रेष्ठ, उमा खड्का तथा उपकार घमालले बनाएका ७० वटाभन्दा बढी चित्र राखिएका छन् ।

- See more at: http://www.zoomnp.net/archives/20017#sthash.xmG3628A.dpuf

मुस्लिम देश साउदी अरबमा हालै महिलालाई मताधिकारका साथै चुनावमा उमेद्धार बन्ने अधिकार दिइयो र त्यहाँको स्थानीय चुनावमा केही महिला उमेद्धारले जित समेत हासिल गरे । इतिहासमा पहिलो पटक साउदीमा महिला नेता बने । न्युजिल्याण्डले १८९३ मै प्रदान गरेको यो महिला अधिकार साउदी महिलाले बल्लतल्ल सिमित रुपमै भएपनि प्राप्त गरे ।
तर अहिलेपनि साउदी अरबमा महिलामाथि ठूलो विभेद छ र कडा मुस्लिम कानून अनुसार महिलालाई विभिन्न विषयहरुमा बन्देज लगाइएको हुन्छ । लोकतान्त्रिक मुलुक वा अन्य धर्म मान्ने देशका महिलाहरुले सदियौँदेखि उपभोग गर्दै आएका अधिकार साउदी महिलाले अहिलेसम्म पनि उपयोग गर्न पाएका छैनन् । साउदी महिलाले अहिलेसम्म पनि गर्न नपाएका ५ काम यस्ता छन्ः
· साउदी अरबमा महिलाहरुले आफ्नो नाममा बैंक अकाउण्ट खोल्न पाउँदैनन् ।
· महिलाहरुलाई आफ्नो पुरुष अभिभावकको अनुमति विना घुम्न, आधिकारिक व्यवसाय संचालन गर्न तथा आफ्नो सरीरको स्वास्थ्य चेकजाँच गर्न समेत निषेध छ ।
· साउदी महिलाले बुर्का नलगाइकन बाहिर हिड्न पाउँदैनन् । महिलाले बाहिर हिँड्दा सरीरको आँखा र हात मात्र देखाउन पाउँछन् अरु सबै अंग छोप्नैपर्छ ।
· सार्वजनिक स्थानमा परिवार वा आफन्त बाहेकको पुरुषलाई भेट्न महिलाले पाउँदैनन् । यसलाई सख्त रुपमा कार्यान्वयन गर्नका लागि सार्वजनिक संस्थाहरुमा समेत महिला र पुरुषका लागि छुट्टाछुट्टै स्थान बनाइएका छन् । कतिपय ठाउँमा कार्यालय, विद्यालय तथा विश्वविद्यालय समेत महिला र पुरुषका लागि अलग अलग हुने गर्छन् ।
· साउदी महिलाहरुले गाडी चलाउन पाउँदैनन् । महिलाले गाडी चलाउनुलाई हराम भनिन्छ । महिलाले गाडी चलाएर बाहिर निस्किँदा परपुरुषसँग आँखा जुध्नसँग वा भेटघाट हुनसक्छ भन्ने डरका कारण यसो गरिएको हो । तर महिला अधिकारवादीहरुले भने सन् १९९० को दशकदेखि नै साउदीमा महिलाले गाडी चलाउने अभियान नै संचालन गरिरहेका छन् र बेलाबेलामा गाडी चलाएर विरोध प्रदर्शन समेत गर्दछन् । – एजेन्सीको सहयोगमा

- See more at: http://www.zoomnp.net/archives/20024#sthash.zhUh3j99.dpuf

प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदी फेरि टेलिफोन वार्ता भएको छ। बिहिबार बिहान १०.३५ बजे करिब २० मिनेट लामो टेलिफोनमा संवादमा दुबै प्रधानमन्त्रीले अंग्रेजी नयाँ बर्ष २०१६ को शुभकामना आदानप्रदान गरेको प्रधानमन्त्रीका प्रेस सल्लाहाकार प्रमोद दाहालले बताए।
प्रधानमन्त्री ओलीले मधेसी मोर्चाका मागलाई सम्वोधन गरेर नेपाल सरकारले संसदमा प्रस्तुत गरेको संविधान संशोधनको प्रस्तावलाई भारत सरकारले स्वागत गरेकोमा मोदीलाई धन्यवाद दिएका थिए।
‘नेपाल र भारतबीचको सम्बन्धलाई सुमधुर बनाउनेबारे समेत उहाँहरुबीच कुराकानी भयो। प्रधानमन्त्री ओलीले आफूले नेपाल र भारतबीचको सम्बन्ध सकारात्मक बनाउन चाहेको भारतका प्रधानमन्त्रीलाई बताउनुभयो,’ दाहालले जारी गरेको विज्ञप्तिमा भनिएको छ।
प्रधानमन्त्री ओलीले आपूर्ति व्यबस्था सहज नभएकोमा भारतीय प्रधानमन्त्रीको ध्यानाकर्षण गराउँदै रक्सौल–बीरगन्ज नाकाबाट आपूर्ति व्यबस्था सहज बनाउन आग्रह गरेका छन्। जवाफमा प्रधानमन्त्री मोदीले आफू सदैब आपूर्ति व्यबस्था सहज होस भन्ने पक्षमा रहेको र त्यसका लागि भारतको तर्फबाट कुनै रोकटोक नभएको बताएका थिए।
भारतका प्रधानमन्त्री मोदीले रक्सौल बीरगन्ज नाकाबाहेक सबै नाकाबाट आपूर्ति व्यवस्था सहज भएको भन्दै नेपालकै राजनीतिक दलहरुले उक्त नाकामा प्रदर्शन गरिरहेका कारण असजह भएको बताए।
प्रधानमन्त्री मोदीले औषधिको अभाव भएका बेला आफूले विदेशमन्त्री सुष्मा स्वराजलाई एयरलिफ्ट गरेर भएपनि औषधी आपूर्ति गर्न भनेको स्मरण गरेका छन्।
‘प्रधानमन्त्री ओली र प्रधानमन्त्री मोदीबीच द्धिपक्षीय हितका बिषयमा समेत कुराकानी भयो। प्रधानमन्त्री मोदीले छिटै भारत भ्रमण गर्न दिएको निम्तोलाई प्रधानमन्त्री ओलीले स्विकार गर्नुभयो। छिटै परिस्थितिलाई सहज बनाएर भारत भ्रमण गर्ने प्रधानमन्त्री ओलीले बताउनुभयो,’ विज्ञप्तिमा भनिएको छ।
मोदीले तीन महिनायता ओलीसँग बार्ता गरेको यो तेस्रो पटक हो। प्रधानमन्त्री दुई दिने कार्यक्रमका लागि झापामा छन् ।

काठमाडौं— स्थलमार्गबाट अमेरिका हिँडेका २६ नेपाली कोस्टारिकामा पक्राउ परेका छन्। ट्रक चढेर निकारागुवा, ग्वाँटेमाला, मेक्सिको हुँदै अमेरिकातर्फ हिँडेका उनीहरुलाई त्यहाँको राष्ट्रिय प्रहरीले पक्राउ गरेको हो। उनीहरुसँग यात्राका लागि आवश्यक कानुनी कागजात नभएको अध्यागमन अधिकारीहरुले उल्लेख गरेका छन्। ट्रकबाट निकारागुवातर्फ गइरहेका ५१ जनालाई आप्रवासन अभियोगमा प्रहरीले पक्राउ गरेको हो। पक्राउ पर्नेमा ९ बंगलादेशी, ९ समोलियन, ४ इरिट्रियन, दुई इराकी र एक पाकिस्तानी रहेको द टिको टाइम्स न्युजले उल्लेख गरेको छ। अध्यागमन अधिकारीहरुले पक्राउ परेकाहरु कसैसँग पनि यात्राको वैधानिक कागजात नभएको जनाएका छन्।
पक्राउ पर्नेमा ट्रक चालक र अरु तीन कोस्टारिकाका नागरिक पनि छन्। ती सबैलाई मानव बेचविखनको अभियोग लगाइएको छ। कोस्टारिका नागरिकले ट्रकलाई एस्कर्ट गरेर गन्तव्यतर्फ लगिरहेको अवस्थामा पक्राउ गरेको अध्यागमन अधिकारीले उल्लेख गरेका छन्।त्यहाँको कानुनअनुसार पक्राउ परेकाहरुलाई २ देखि ६ वर्षसम्म जेल सजाउ हुनसक्छ। कोस्टारिका प्रहरीले यसअघि पनि अमेरिका हिँडेका नेपालीलाई पक्राउ गरेको थियो। -

मानव दलालहरुले मोटो रकम लिएर प्लेन, डुंगा, रेल र ट्रकमार्फत् जोखिमपूर्ण तरिकाले विश्वका विभिन्न देशका मान्छे अमेरिका पुर्‍याउँदै अाएका छन्। पछिल्लो समय दलालहरुले नेपालीहरुलाई समेत यस्तो जोखिम मोलेर अमेरिका पुर्‍याउँदै अाएका छन्।

दलालहरुले दक्षिण अमेरिकी मुलुकहरु ब्राजिल, कोलम्बिया पुर्‍याएर कामदारहरुलाई कोस्टारिका छिराउने गर्छन्। त्यसपछि निकारागुवा, ग्वाँटेमाला र मेक्सिको पुगेपछि अमेरिकासँगको सीमा पुर्‍याउँछन्। स्थलमार्गको यात्रामा दलालहरुले कामदारलाई ट्रक जस्तो तल्लोस्तरको यातायात साधनमा राखेर मान्छे ओसार पसार गरेको देखिएको छ। कोस्टारिकादेखि अमेरिकाको सबैभन्दा नजिकको सहर टेक्सासको लारेडियो हो। त्यसको दूरी कोस्टारिकाबाट ४ किलोमिटर छ। दलालहरुले यति लामो दूरीमा कामदारलाई ट्रकमा राखेर भेडाबाख्रा जसरी यात्रा गराउँछन्।

काठमाडौं, पुस १६ । अमेरिकी अन्तरिक्ष एजेन्सी नासाले एल निनो मौसमी चक्रका कारण आगामी वर्षको मौसमी अवस्था १७ वर्षयताकै भयावह हुन सक्ने चेतावनी दिएको छ । यसका कारण विश्वभर भोकमरी, खडेरी, बाढी तथा रोगको प्रकोप बढ्न सक्ने जनाइएको छ ।एन निनो मौसमी चक्रका कारण विश्वका केही भागमा अति खडेरी पर्ने र केही भागमा भने बाढीपहिरोको जोखिमबढ्ने नासाले चेतावनी दिएको छ । यस्तो परिस्थिति हरेक दुईदेखि सात वर्षको अन्तरालमा आउने गर्दछ । एल निनोको सबैभन्दा नराम्रो प्रभाव १७ वर्षअघि सन् १९९८ मा देखिएको थियो । आगामी वर्षको अवस्था सन् १९९८ को भन्दा पनि खराव हुनसक्ने जनाइएको छ । सबैभन्दा बढी प्रभाव अफ्रिकी क्षेत्रमा हुने र त्यहाँ आगामी फेब्रअरीमा चरम खाद्य संकट हुने अनुमान गरिएको छ । यही मौसमी चक्रकै कारण सन् २०१५ को विश्वको तापक्रम अहिलेसम्मकै उच्च हुन सहयोग पु¥याएको अनुसन्धानकर्ताहरुले बताएका छन् । भूमध्यरेखामा पर्ने प्रशान्त महासागरसँग सम्बन्धित मौसमी चक्रअन्तर्गत तातो हुने अवधिलाई एल निनो र चिसो हुने अवधिलाई ला निना भनिन्छ । सन् १९९८ को एल निनोका कारण विश्वका धेरै देशमा भीषण बाढी तथा केही देशमा सुख्खा भएको थियो । उपग्रहबाट प्राप्त तस्वीरका अनुसार सन् १९९८ को भन्दा पनि खराब आगामी वर्ष हुने देखिएको नासाले जनाएको छ । (एजेन्सी) - See more at: http://www.zoomnp.net/archives/20005#sthash.5MJwfNC4.KV8Mi4gM.dpuf

विवेक विषालु
जाडोमा कमजोर डुब्दै गरेको तर न्यानो घामको अंगालो र चुम्बन लिदै म धोवी खोलाको किनारै–किनार आफ्ना पाइलाहरु बढाउँदै हुन्छु । मेरो हातमा झुण्डिएको प्लाष्टिकको गुलावी झोला हल्लिदै हुन्छ । झोला भित्र एक प्याकेट दुध र हाँसका केही अण्डाहरु हुन्छन् । मन अनौठो कुरा सोच्दै ओठहरुलाई मुस्कुराउन लगाउँछ –

“साफ–साफ भन्नुपर्दा म त दुध र अण्डा खाने साकाहारी मनुज रहेछु । उसो त दुध शरिरबाटै निस्किएको एक किसिमको रगत न हो । अण्डाहरु भित्र भविष्यको चल्ला जरुर हुन्छ । म यी अण्डा खाँदा भविष्यको हाँस खाइरहेको हुनेछु ।”
आफ्नै टाउको कन्याउछु । मनले आफ्नै कुरा मान्दैन अनि निष्कर्ष सुनाउछ
– “तँ मूला साकाहारी होइनस् ।”

मन आफैले गरेको निष्कर्षमा चित्त बुझाउँछ । “ठिकै छ नि त । म जे सुकै हुँ ।”
केही पाइलाहरु पश्चात चेतनाले कोठासम्म चाडो हिड् भनेर आदेश दिन्छ । तर मलाई हतार भन्ने कार्यसँग एककिसिमको बेग्लै त्रास लाग्छ । हतारमा गन्तब्य ट्ङ्ग्याउन मलाई इच्छा लाग्दैन । त्यसैले म निस्फिक्रीका साथ मनोवादका अनेक त्यान्द्राहरु जोड्दै पाइलाहरु आरामसँग चाल्दै जान्छु । मेरो नजरमा सेतो कपडाले बेरिएको, पहेंलो टाउको भएको सुर्य नामको चुरोट देखापर्छ । त्यो चुरोट बाटोको छेवैमा वेवारिसे खसेको हुन्छ । उसलाई उठाउछु । राम्ररी नियाल्छु । विलकुलै ताजा र नयाँ लाग्छ । चुरोटलाई खल्तीमा राख्दै पुनः उसैगरी अगाडि लम्किन्छु ।
कोठाभीत्र प्रवेश गर्दा दर्जनौ कामुक स्त्रीका तस्वीरहरु जिस्क्याइरहेका हुन्छन् । तस्वीरहरु भित्तामा माउसुली चप्किए झै चप्किएका हुन्छन् । केही तस्वीरहरु नाङ्गै भएपनि मतर्फ फर्किएका हुँदैनन् । केही स्त्रीका सुगठित तस्वीहरु मतर्फ नै फर्किएका भएपनि आफ्ना हातहरुले भ्याएजति अङ्ग छोप्न व्यस्त देखिन्छन् । केही कामुक स्त्रीका तस्वीरहरु कपडा फुकाल्न आतुर देखिन्छन् । केही स्त्रीहरुका तस्वीरहरु भने ठिक प्रकृतिजस्तै गरी स्वतन्त्र फैलिएका हुन्छन् । सबै तस्वीरहरुको आ–आफ्नै विशेषता हुन्छ जो मलाई मीठो लाग्छ । मैले आफैलाई स्वर्गको राजा ठान्छु र उनीहरुलाई आफ्ना अप्सरा । कहिलेकाहीं पिएको बेला तस्वीरहरुको नग्न नाचसँगै आफ्नो नग्न नाच सम्झिन्छु, आफै मुस्कुराउँछु ।

ग्याँसको एउटा चुल्होमा अन्डा उसिन्न बसाल्छु । अर्को चुल्होमा भने चिया बनाउने सामग्रीहरुको उचित मात्रा मिलाएर बसाल्छु । पश्चिमपट्टीको झ्याल खोलेपछी अस्थाउन आटेको बुढो सुर्यका कमजोर किरणहरु टेवल र कुर्सिमा आएर बस्छन् । म पनि घामका किरणहरु बसेको कुर्सीमा नै वस्छु ।

टेवलमा मजस्तै हराएको कुनै कथाकारको कथा संग्रह सुतेको हुन्छ । त्यसलाई उठाउँछु । पानाहरु पल्टाउँदै जान्छु । कथाहरुले नतानेपछी कथा संग्रह डष्टबिनमा फ्याकिदिन मन लाग्छ , फ्याकिदिन्छु । सायद म कानूनको शौखिन भएकाले टेवलमा केही कानूनका कितावहरुमा ध्यान जान्छ । ती कितावहरु एक–एक गरी पल्टाउँदै जान्छु । खुसी लाग्छ । देशमा थोरै भए पनि नियम कानून भएको आभाष हुन्छ । कानून छैन भनेर कठोर जिद्दी गरिरहने कोमल मनलाई मस्तिस्कले सुनाउछ –
“देखिस् ! यहाँ कानून पनि छ । नपत्याए यी किताबहरु हेर ।”
मनले मस्तिस्कसामु मुख अमिलो पार्दै आवाज दिन्छ, “मित्र एकपटक टेवलको ड्ररमा राखेको कालो डायरी पढ त । मेरो शरिरमा लागेका घाउहरुले तिमीलाई अवस्य पनि यथार्थ बोध गराउनेछ ।”

त्यसपछी टेवलको ड्ररमा राखिएको कालो डायरी निकाल्छु । अनि त्यो डायरी पल्टाउन थाल्छु –

मिति :…………

हाम्रो माग अनुसार निर्णय भएन । हामीले मृत्युदण्डको माग राखेका थियौ । तरपनि दाइले र मैले चित्त बुझाउनु प¥यो । चित्त बुझाउनुपर्ने रहर होइन बाध्यता थियो । आठ जना मध्ये एक जनालाई मात्र कारबाही दिलाउन सकियो । केही महिना अघि मेरो सात बर्षिया भतिज अपहरणमा परेको थियो । दाइले माग अनुसारको पैंसाको चाजोपाजो मिलाउदा–मिलाउदै उसको मृत्युको खवर समाचारमा बज्दै थियो । उसको मृत शरिर धोवी खोलाको कालो पुलको कालो छायाँमा लम्पसार परेको थियो । जन्मदै आमा गुमाइसकेको मेरो भतिज जसले आमाको मायाको अनुभुति गर्न पाएन आमा गएकै ठाउँ गयो । आठजना मध्य सातजना अपराधीहरु फरार भएकाले म क्रोधित हुँदै बोलें –

“डि.एस.पी. साब् ! आठजना मध्य एक जना मात्र समातिनु त सरमकों बात भयो ।”

डि.एस. पी.ले बहुतै हलुकासँग बोल्यो –

“म तपाईको क्रोध अनि दुःख अनुमान गर्नसक्छु । तर एक जना त छोपियो नि ! कुनै पनि सुराकै नपाई बन्द परेका यस्ता तमाम केशहरु छन् ।”

उसलाई गाली गर्न मन लागेको थियो तर गरिनँ । घर आएर डायरी लेख्दै गर्दा मलाई लाग्दैछ सरकार नै अपहरणकारी बनाउने कारखाना हो ।

त्यो कुनै अन्जानमा घटेको अपराध थिएन । त्यो कुनै भावुकताले निम्त्याएको अपराध पनि त थिएन । न त क्रोधले निम्त्याएको अपराध नै थियो । त्यो त एक सुनियोजित निर्मम अपराध थियो । तर पनि सरकार उचित कारवाही नै गर्दैन । यही लापरवाहीले यहाँ मान्छे मार्न सजिलो भइरहेकोछ । अपराधीहरु च्याउ उम्रे झै उम्रिदैछन् । सरकार मलजल गर्दैछ । कैयौं पटक मलाई पनि अपराधी बनौं भन्ने मनका खुबै अनुरोधहरु कानुनको मुखमा पिसाब फेर्दै देखापर्छन् ।

मेरो भतिजको उज्यालो अनुहार, कोमल मुस्कानर का–का भन्दै जीब्रो बाहिर निकाली जिस्काएका अनेक तस्वीरहरुको स्मृतिले मुटु खाइरहन्छ ।
ए ! सरकार कारखाना बन्द गर् ।
********************************************

म डायरीका पानाहरु पल्टाउँदै जान्छु । डायरी पल्टाउँदै गर्दा डायरीको मध्यभागतिरका अक्षरहरुमाथि एकैछिन सैर गर्न पुग्छु । अक्षरहरु थोरै संख्यामा हुन्छन् ।

मिति :…………………………….

आज फेरी म कानूनलाई देखेर नाखुस भएकोछु । खासै धेरै पानाहरु भर्ने मुड पनि छैन । मेरी प्रेमिकालाई बलत्कार गरेका साले अपराधीहरु केही महिनामा नै छुटिसके । मैले आज उनीहरुलाई छाती फुलाउदै अट्टहासको हाँसो हाँस्दै शहरका गल्लीहरु घुम्दै गरेको देखें । के यो सरकारले गरेको बलत्कार भएन र ?

ए सरकार ! जेलमा परेकाहरुलाई त छुटाइस् तर मेरी प्रेमिका जो घटना सहन नसकी रुखमा झुन्डीई उसलाई पनि फिर्ता गर । सरकार ! छिटो फिर्ता घर मेरी प्रेमिकालाई ।”

********************************************************

डायरी पढ्दैगर्दा आँखाहरु रिसाउँछन् । रिसले राता हुन्छन् आँखाहरु तरपनि पानाहरु पल्टाउदै जान्छु । केही पानाहरु सरसरती हेरेर पल्टाउछु । मेरा नजर एउटा पानामा गएर अड्किन्छन् –

मिति :…………………….

के हुन लागेको यो देशमा ? हे भगवान भन्नै गाह्रो । सुन्नै गाह्रो अनि लेख्नै गाह्रो । मेरो छिमेककी तीन बर्षिया बालिकाको बलत्कार भयो हिजो राती । बालिका अस्पतालमा सिकिस्त छे । पुलिसले अपराधी फेला पारिसक्यो तर पुलिसले अपराधीको लिङ्ग काटेन । मैले वडो आक्रोसित हुँदै थानेदारलाई सम्बोधन गरेको थिएँ –

“यसको सुरुमा लिङ्ग काट्नुपर्छ ।”
“तपाई चुप् लाग्नुस । कानुन अनुसार कारवाही जरुर हुन्छ ।”
हामी सर्वसाधारण र पुलिसका बीच लिङ्ग काट्ने नकाट्ने बिषयलाई लिएर घम्साघम्सी परेको थियोे ।
मलाई राम्ररी थाहा छ तीन बर्षिया वालिकालाई देखेर उत्तेजित हुने लिङ्ग पनि यो नाथे कानूनले काट्न सक्दैन ।

ए सरकार ! सक्छस भने तीन बर्षिया बालिकालाई देखेर यौनको भावना आउने लिङ्ग काटिदे या छ भने आफ्नै लिङ्ग काट् । कि दुई मिटर डोरीले त्यो राक्षसलाई झुन्ड्याइदे यदि डोरीको पनि अभाव भयो भने मेरा जाठाहरु उखेलेर लैजा , बाटेर डोरी बनाउनु अनि उसलाई त्यसैमा झुन्ड्याउनु या त आफै झुण्डिनु ।

******************************
मन खिन्नताको तलाउमा डुब्छ । डायरी धेरै पढ्न नसकेपछि फेरी टेवलको ड्ररमा नै राख्छु । मन कुँडिन्छ । । मस्तिस्क भाडिन्छ । कानून बनाउनेहरु अपराधी लाग्छन । सरकार अपराधीको संगठन लाग्छ । तोकेकै सजाय नदिने भए किन कानून बनाउनू ? कानून र देश चलाउन नसके किन सरकार बन्नु ? के अपराधको किसिम र मापदण्ड छुट्याउने कसैसँग तागत छैन ? मनले मन मार्दै बोल्छ “सायद यहाँ सवैको मिलेमतो हुनुपर्छ ।”

आफैदेखि रिस उठ्छ । ती कितावहरुलाई डष्टबिनमा मिल्काइदिन्छु । ती कानूनका कितावहरु डष्टबिनमा पनि असुहाइलो देखिन्छन् । पुनः ती कितावहरु वाहिर निकाल्छु । जम्मै कानूनका कितावहरु धोवी खोलामा बगाइदिने सोच पलाउँछ ।

त्यतिन्जेल चिया राम्ररी उम्लिसकेको हुन्छ । केही चिया वढी उम्लेर पोखिएको हुन्छ । बचेको चिया कपमा चुहाउँछु । अण्डा उसिन्न बसालेको चुल्होपनि निभाउँछु । चियाको कप घाम बसेको टेवलमा नै राख्छु । धोवी खोलाको किनारमा भेटिएको चुरोटको स्मरण हुन्छ । ज्याकेटको खल्तीबाट चुरोट निकालेर कपको छेउमा राख्छु । सलाई लिन किचन ¥याकतर्फ लम्किन्छु । सलाई भेटाईसकेपछि फेरी उही कुर्सीमा गहिरो सास छोड्दै बस्छु । अचानक मसँग किलकुलै नमजाको घटना घट्छ –

“मित्र मलाई नजलाउ । म जल्नुपर्ने डरले नै फुत्केर भागेको चुरोट हुँ ।”
त्यो आवाजलाई आफ्नै कल्पना ठानेर फिस्स हास्छु । आँखा मिच्छु । फेरी चुरोटतर्फ नियाल्छु । चुरोट उसैगरी ठाडो उभिएको हुन्छ । आफूमाथी जस्तोसुकै घटना घटेपनि पत्याउनुपर्ने मानिसको बाध्यता र यथार्थ दुबै हो । मैले पनि पत्याउनु पर्छ, पत्याउँछु ।

“तिमी चुरोट हौ । तिमी जहाँ भागेपनि जल्नैपर्ने हुन्छ । तिमी जल्नको लागि नै बनेका हौ ।” मेरो सम्मानजनक शैलीको सम्बोधनले पनि ऊ चित्त बुझाउदैन । बरु झुक्दै मसिनो स्वर चढाउँछ –

“मबाट निस्किने धुँवा जम्मै आकाशमा उडाउनेछौ । मेरो शरिर खरानी बन्नेछ जो कुनै कामको हुँदैन । न म स्वादिलो नै हुन्छु । लौ भन तिमीलाई के मिल्छ ? के पाउँछौ तिमी ?”

म उसको एककिसिमको तर्कलाई वेवास्ता गर्दै बोल्छु –

“तिमी मेरो तलतल मेटाउनेछौ । यो मेरो बानी हो । तिमी जसको हातमा परेपनि जल्थ्यौ । तिमीले मेरै हातबाट जल्नु रहेछ ।”

आफ्ना शब्दहरु सुनाउदै सलाई कोर्छु । चुरोटको टाउको मुखले च्याप्छु । पुछारमा आगो लगाउँछु । चुरोट ‘बचाउ’ भन्दै एक–दुई पटक स्वर निकाल्छ । म चुरोटको टाउकोबाट चुरोटको पुरै शरिरलाई नियन्त्रण गर्दै फुँक लिदै जान्छु । चियाको चुस्की पनि बेला–बेला लिदै गर्छु ।

चिया र चुरोट भोगेपछि डष्टविनबाट निकालिएका कानूनका कितावहरु समातेर धोवी खोलाको बाटोतर्फ लाग्छु ।

बाटोमा हिड्दै गर्दा बाटोका विशेषताहरु मष्तिष्कमा नाच्छन् । बाटो अद्भूत नै हुन्छ । एकैनाश हुँदैन बाटो । बाटोमा कहिल्यै फूलहरु भेटिन्छन त कहिल्यै काँडाहरु भेटिन्छन् । बाटो उकालोपनि हुन्छ ओरालो पनि हुन्छ । बाटोमा अप्रत्यासित मोडहरु पनि आउँछन् । बाटोमा ठेस लाग्छ । बाटोमा हासिन्छ, रोइन्छ । गाइन्छ अनि नाचिन्छ । मन्दिर पनि बाटोमा पर्छ । बाटोमा अनेक मानिसहरु भेटिन्छन, अनुभुतिहरु भेटिन्छन् । बाटोका अनेकौ मोडमा पाएका खुसीहरु दुःखमा पनि बदलिन सक्छन् । दुःखहरु खुशीमा पनि बदलिन सक्छन् । बाटोमा कोही आफ्ना चिजहरु छुटिन्छन् केही बिर्सिइन्छन् । केही आफुसँग नभएका चीजहरु भेटाइन्छन् र टाँसिन्छन् । बाटोमा कुमारी वस्तु भेटाइन्छ अनि वेश्या वस्तु पनि भेटाइन्छ । म पनि बाटो हिड्दै, अनेक अनुभुति स्मरण गर्दैर हावालाई चुम्दै हिड्दै जान्छु । म हिड्दै जान्छु आफ्नो छायाँलाई कुल्चदै–कुल्चदै । म धकेलिदै जान्छु अनेक तर्क – वितर्कहरु केलाउदै । मलाई लाग्छ म पुरानै यात्री हुँ !

सयमको निश्चित दुरीपश्चात धोवी खोलाको किनार देखिन्छ । नियम कानुनका कितावलाई सामान्य नजर लगाउछु । किनारतर्फ लम्किदै जान्छु । किनारमा कोही चिराग बोकेर उभिरहेकोहुन्छ । सायद ऊ कसैलाई पर्खिरहेको हुन्छ । कता–कता मलाई नै पर्खिरहेको होकि जस्तो लाग्छ । उसले लगाएको कोइला झैं कालो लामो ड्याम जुत्ता र कपुर झैं सेतो ह्याटमा मेरो बढी नै ध्यान जान्छ । ऊ मलाई देखेर मन्द किसिमले मुस्कुराउँछ, तर ऊ मेरोलागि नौलो अनुहार भएकाले ओठहरु मुस्कुराउन मान्दैनन् । ऊ क्रोधित भएर म तर्फ अघि बढ्छ । उसको क्रोधित आकृति देखेर ओठहरु उसलाई फकाउने हेतुले लजाउँदै मुस्कान पस्किन्छन् । तर, त्यो पटक उ मुस्काउँदैन ।

ऊ समिपै आएपछी मैले उत्सुकताको स्वर चडाउछु –
“तिमी को हौ?”
तर उ भने सामान्य तवरले अलगै प्रसङ्गको कुरा गर्छ –
“शान्त होऊ । डराउनु पर्दैन । म तिमीलाई जलाउन मात्र आएको हुँ ।”
उसको कुुराले मुटुमा चस्स चिसो पस्छ । चारैतिर नियाल्छुँ । सुनसान हुन्छ ।
“मैले के गल्ती गरें ? ” आफ्नो बचाउका लागि पहिलो प्रश्न थियो –
उ गम्भीर हुँदै बोल्छ, – “तिमी नजन्मनुपर्ने । जन्मनु तिम्रो गल्ती भयो ।”
उसको अनौठो कुराले ऊ पागल हो कि भन्ने शंका पलाउछ तर उसँग दनदनी बलिरहेको भव्य चिराग भएकाले म डराइरहन्छु । त्यसपछि मैले पनि उ सामु बेजोड तर्क राख्छु –
“म कहाँ आफ्नै इच्छाले जन्मिएको हुँ र ? कृपया मलाई छोडिदिनुहोस् । म जन्मनुमा मेरो गल्ती छैन ।”
ऊ फिस्स हाँस्छ । आँखाका नानीहरुलाई दायाँ बायाँ डुलाउँछ अनि मुस्कुराउँदै बोल्छ –
“आफ्नै इच्छा बिना जन्मिएको मनुजले किन इच्छा अनुरुप जल्न खोज्नु ? इच्छा बिना नै जन्मिएछौ, इच्छाबिना नै जल ।”
म तर्क बिहिन हुन्छु । त्यसपछी मेरो बिलौना सुरुहुन्छ । उ सामु हात जोड्छु । “मित्र मलाई नजलाउ । मलाई आगोदेखि साह्रै डर लाग्छ ।”
“तिमी जल्नको लागि नै बनेका हौ । तिमी जल्नैपर्ने हुन्छ । नडराउ ।”
फेरी बचाउकै निमित्त बिलौना रुपी तर्क राख्छु –
“मबाट निस्केको धुँवा आकाशमा फैलिनेछ । मेरो शरिर खरानी बन्नेछ । आखिर तिमी के पाउँछौ? ”
उसले मेरो बिलौनारुपी तर्कको पनि गला रेटिदिन्छ –
“तिमी मेरो तलतल मेटाउनेछौ । यो मेरो बानी हो । तिमी जसको हातमा परेपनि जल्थ्यौ, मेरै हातबाट जल्नू रहेछ ।”
मलाई उकुसमुकुस हुन्छ । कसैले चारैतिरबाट समाते झैंलाग्छ । भाग्ने सोच आएपनि खुट्टाहरु जमिनमा चुम्बक चप्केझै गरी चप्किराख्छन् । मैले बडो मुस्किलले बहाना बनाउछुँ – “मैले चुल्होमा हाँसका दुइवटा अण्डाहरु उसिनेर आएको छुँ । म तीँ खाएर आउछु । मेरो कोठाभन्दा पल्लो कोठामा बस्ने भोटेनीसँग नौलो प्रेम बसेकोछ एक पटक सम्भोग गरेर आउँछु । एउटा कथा आधा लेखेकोछु , त्यो पूरा गरेर आउँछु । एउटासँग बद्ला लिन बाँकी छ , उसलाई एक चड्कन भएपनि हानेर आउछु । मलाई एकपटक जान दिनुहोस् । माँ कसम ! म फर्केर आउँछु अनि जलाउनु होला ।”

सुरुमा उ मेरो कुराले जोर–जोरले हाँस्छ । फेरी एकैछिनमा गम्भीर हुँदै बोल्छ, “सम्पूर्ण कर्महरु सकेर को नै जल्न पाउछ र ? को नै पूरा सपनाहरु साकार पारेर जल्छ ? ती अण्डाहरु तिमीले उसिन्यौ भोली – पर्सि अरु कसैले खाइहाल्छ । अण्डाहरुको चिन्ता नगर । यहाँ कुनै कुरा खेर जाँदैन, फरक यो हो कि सबै कुरा तिमी उपभोग गर्न पाउन्नौ । सबै कुराको जश तिमी लग्न पाउन्नौ । तिमीलाई अन्याय गर्नेसँग कोही अर्कोले अन्याय गरिहाल्छ । तिमीले लेखेको आधा कथा अरुले पूरा जरुर गर्छ । तिम्री भोटेनीसँग अरु कोई संभोग गरिहाल्छ । मित्र ! यही संसार हो । यो जन्मको तिम्रो इच्छा र बद्ला अर्को जन्ममा पूरा गर्नू । धेरै पुकार गरेर काम छैन । चुरोटको पूकार के तिमीले सुन्यौ ? हो त्यस्तै हो ।”

म आत्तिदै छिटो–छिटो बोल्छु –
“चुरोट त बेवारिसे भई सडकमा अलपत्र खसेको थियो ।”
उसले पनि तुरुन्तै जवाफ फर्काउछ–
“मित्र ! तिमी पनि दुनियाँको कुनै किनारमा अलपत्र परेको एक पात्र हौ । यहाँ हरकोही अलपत्र छन् । हरकोही बेवारिसे हुन् ।”
आफुमाथी अस्तव्यस्त तरिकाले व्यवहार गरिरहेको त्यो अन्जान को हो भनी जान्न चाहें –
“आखिर तपाई को हो ?”
“म सेकेण्ड हुँ ।”
“आजसम्म यस्तो नाम सुनेको छैन ।”
“मनितान्त सही जवाफ दिदैछु, नपत्याए तिमीले बोकेका किताब हेर ।”
मैले दायाँ वायाँ नसोची आफूले बोकेका किताव हेर्छु । “मुलुकी ऐन” लेखिएका शब्दहरु बदलिएर ‘प्रकृति ऐन’ भएका हुन्छन । मैले अचम्मित अनुहारले उसलाई नियाल्छु –

“म समयको सेकेण्ड हुँ ।”

फेरी उसले खल्तीमा बोकेको सानो ऐना मेरो हातमा थमाउँछ । म आफ्नो अनुहार नियाल्छु । मेरा केशका रङ्ग बदलिएका हुन्छन् । गालामा चाउरी परेका हुन्छन् । म निःशब्द बन्छु । म बोल्न चाहान्न किनकी प्रकृतिको नियमलाई मानिसले बनाएका नियम झै तोडमोड गर्न सकिदैंन । तोडमोड गर्न मिल्दैन ।

“तिमी सानदारसँग जल्नेछौ । मान्छेले बाटोभरी हिडेको तरिकाबाट उ कसरी जल्छ र जलिसकेर कहाँ व्युझन्छ तय हुन्छ । तिमीसँगै जल्नेछ मानिसले बनाएका नियम कानुन , जोसँग तिमी रुष्ट छौ ।
यति भनेर उसले मेरो खुट्टामा आगो लगाउछ ।
म ‘बचाउ’ भन्दै आफ्नो कोठाको आफ्नै बिस्तरामा आफैलाई भेट्टाउछु । मुटु बेगसँग धड्किरहेको हुन्छ । आफ्नो पुरै शरिर छाम्छु । शरिरका केही प्रदेशहरु चिमोठ्छु । पलङ छेउको टेबलमा पानीको बोत्तल हुन्छ । सो पानीको बोतल रित्याउँछु । खाटबाट अलग्गिएर बत्ती वाल्छु । कोठामा भएका स्त्रीका शरिरका शिरहरुमात्र शेष हुन्छन् । दुनियाँमा शिरको विशेष महत्व छ झंै लाग्छ । शिर पछिसम्म अस्तित्व बोकिरहन्छ सायद । तस्वीरहरुको किस्सा बाहेक मेरो यथार्थ जीवनको अन्य समवेदना भोगाई र पात्रहरु जोडिएका हुँदैनन् । सपना पश्चात मलाई लाग्यो कि त्यो जिन्दगी जिएर यहाँ व्युझिएँ र यो जिन्दगी जिएर कतै व्युझनुपर्छ । यो जिन्दगी पनि लामो सपना हो सायद । बच्चा रुदै जन्मनुको कारण पनि सायद …….”
स्रोत – नेपालपाटी

- See more at: http://www.zoomnp.net/archives/3232#sthash.NJrcwVZX.OQmzZAWU.dpuf

एजेन्सी– मानिसको जन्मेको समय र उसको वातावरणले उसको भविष्य निर्धारण गर्ने गर्दछ । कुन बालक कुन बार र समयमा जन्मेका हुन्, उनीहरुको उक्त साइतले स्वाभाव र चरित्र निर्धारण गर्ने ज्योतिषहरुले बताउने गरेका छन् । त्यसैले कुन बार जन्मेका मानिसहरु कस्ता हुन्छन् र उनीहरुको जीवनको विकासक्रम कसरी अगाडि बढेको हुन्छ । त्यसलाई हामीले यहाँ प्रस्तुत गरेका छौ । -


१. आइतबार जन्मेका व्यक्ति सकारात्मक सोचका मालिक हुन्छन् र निकै विश्वसनीय हुन्छन् ।
२. तपाईंहरु अन्र्तमुखी हुने भएका कारण थोरै साथीहरु हुन्छन् ।
३. निकै संवेदनशील हुने भएका कारण तपाईंहरु कसैले भनेको कुरालाई धेरै दिनसम्म मनमा लिइ रहनु हुन्छ ।
४. तपाईंहरुमा चिन्तन शक्ति निकै धेरै हुने भएका कारण लेखन अथवा वकालतको क्षेत्रमा हुनुहुनेछ ।
५. तपाईंहरु अरुलाई सहयोग गर्न सधैँ तत्पर त हुनुहुन्छ नै तर तपाईंको चाँडै रिसाउने बानीले तपाईंले सहयोग गर्ने व्यक्तिहरु तपाईंसँग रिसाउने गर्दछन् ।
६. तपाईं पैसावाल हुनुहुन्छ र आफ्नो बलबुँतामा नै पैसा कमाउने कोसिस गर्नुहुन्छ ।
७. तपाईं कनै पनि कुरामा सम्झौता गर्नुहुन्न ।
८. तपाईं सौन्दर्यलाई मन पराउनुहुन्छ त्यसकारण आइतबार जन्मेका व्यक्तिहरु धेरै जसो प्रेम विवाह गर्ने गर्दछन् ।
९. तपाईंको रुपरंगमा तपाईंले आफूले आफैलाई भाग्यमानी नै सम्झनुपर्नेछ ।
१०. तपाईं आफ्नो सम्बन्धलाई निकै सम्मान गर्नुहुन्छ त्यसकारण मानिसहरु तपाईंको झनक्क रिसाउने बानी भइकन पनि मानिससहरु तपाईंलाई छोड्न चाहन्नन् ।

सोमबार
१. सोमबार जन्मेका व्यक्तिहरुको स्मरण शक्ति निकै तेज हुन्छ ।
२. तपाईं मृदुभाषी हुनुहन्छ तर तपाईं निकै मुडी हुनुहुन्छ ।
३. तपाईं निकै संवेदनशील हुनुहुन्छ त्यसकारण निकै चाँडै नर्भस हुनुहुन्छ ।
४. तपाईंलाई आफ्नो परिवारसँग समय बिताउन निकै रमाइलो लाग्छ ।
५. तपाईंका लागि सम्बन्ध निकै महत्व राख्नेछ ।
६. तपाईं पढाईमा तिक्ष्ण हुनुहुन्छ र आफ्नो करियरमा निकै माथि पुग्नुहुन्छ ।
७. सोमबार जन्मने महिलाहरु भविष्यमा निकै माया र केयर गर्ने श्रीमतीको रुपमा परिचित हुन्छिन् ।
८. सोमबार जन्मेका पुरुषहरु निकै माया गर्ने स्वभावका हुन्छन् तर अलि लोभी हुने भएका कारण उनीहरुले प्रायजसो आफ्नी श्रीमतीको गाली सुन्नुपर्ने हुन्छ ।
९. तपाईं आफ्नो सौन्दर्यमा निकै ध्यान दिनुहुन्छ र तपाईंको सुन्दरताले धेरैजसोलाई आकर्षित पनि गरेको हुन्छ ।
१०. हुन त तपाईं सबैलाई सम्मान गर्नुहुन्छ तर तपाईंको मुडी स्वभावले तपाईंलाई तनाव दिने गर्दछ ।

मंगलबार
१. मंगलबार जन्मेका व्यक्तिहरु निकै बहादुर, स्मार्ट र एक्टिभ हुने गर्दछन् ।
२. यी व्यक्तिहरु अरु मानिसहरुलाई सहयोग गर्न सधैँ तत्पर रहन्छन्, उनीहरुको स्वभाव परोपकारी किसिमको हुने गर्दछ ।
३. यी व्यक्तिहरु आफ्नो हरेक काम निकै गम्भीरताका साथ गर्ने गर्दछन् ।
४. मंगलबार जन्मने व्यक्तिहरु गलत कुराहरु सहन नसक्ने भएका कारण उनीहरुलाई रिस पनि धेरै नै उठ्ने गर्दछ ।
५. उनीहरुलाई विलासिताको जीवन बाँच्न मनपर्ने हुँदा यी व्यक्तिहरुसँग निकै धेरै लुगा, गाडी, घरलगायत विलासिताका सबै सामग्रीहरु हुने गर्दछ ।
६. यस्ता व्यक्तिहरु इमान्दार हुने गर्दछन् र साँचो कुरा बोल्ने गर्दछन् जसकारण आफ्नो बलबुँतामा नै सफलता हाँसिल गर्ने गर्दछन् ।
७. यिनिहरु सामाजिक हुँदैनन् र भगवानमाथि विश्वास राख्ने गर्दछन् ।
८. यस्ता व्यक्तिहरु सजिलैसँग कसैलाई माफी दिँदैनन् ।
९. यी व्यक्तिहरु निकै खर्चिला हुने गर्दछन् र आफ्नो निर्णय आफैँ लिने गर्दछन् ।
१०. उनीहरुको वैवाहिक जीवन निकै सुखमय तरिकाले व्यतीत हुने गर्दछ र उनीहरुले निकै राम्रो जीवनसाथी पाउने गर्दछन् ।
११. कुनै पनि कुरामा छिट्टै मन भरिने कुरा यी व्यक्तिहरुको नकारात्मक पक्ष हो ।
१२. स्ट्रेट फरवार्ड हुने भएका कारण धेरैजसो मानिसहरुले उनीहरुको बारेमा गलत धारणा बनाउने गर्दछन् तर यी व्यक्तिहरुको मन निकै कोमल हुने गर्दछ ।

बुधबार
१. बुधबार जन्मेका व्यक्तिहरु शान्त, विदुषी र बिजनेश माइन्डका हुने गर्दछन् ।

२. तपाईंको जीवनमा योजनाहरुको कुनै स्थान नभए पनि तपाईं निकै सुव्यवस्थित तरिकाले काम गर्न चाहनुहुन्छ ।

३. तपाईं सफा र स्वच्छ विचारधाराका मालिक हुनुहुन्छ ।

४. तपाईंलाई नयाँ–नयाँ कुराहरु जान्न निकै मन लाग्छ ।

५. तपाईंको कुरा गर्ने तरिका निकै प्रभावशाली छ ।

६. तपाईंहरु कुनै पनि कुरामा त्यति तनावमा नहुने भएका कारण तपाईंहरु जीवनमा निकै सन्तुष्ट हुन्छ ।

७. सकारात्मक सोच सँगै जीवनमा अघि बढ्ने तपाईंहरुले निकै सफलता हात पार्नु हुन्छ ।

८. तपाईंहरुलाई धेरै रिस त उठ्दैन तर एकचोटी रिसाइसकेपछि तपाईंको रिस शान्त हुन निकै समय लाग्ने गर्दछ ।

९. तपाईंहरु कसैलाई पनि सजिलै माफी दिनुहुन्न । कुनै पनि व्यक्ति एक पटक मननपरेमा ती व्यक्तिहरुले जे गरे पनि तपाईंलाई प्रभावित तुल्याउन सक्दैनन् । १०. तपाईंहरु खर्चिलो स्वाभावको हुनुहुन्छ र आफ्नो निर्णय आफैँ लिनुहुन्छ ।

११. तपाईंको वैवाहिक जीवन निकै सुखी हुन्छ किनभने तपाईं आफ्नो पार्टनरको निकै हेरबिचार गर्नुहुन्छ ।

१२. तीब्र बुद्धि हुने भएका कारण बुधबार जन्मिएका मानिसहरु प्रायः शैक्षिक क्षेत्रमा देखिन्छन् ।

बिहिबार

१. बिहिबार जन्मेका व्यक्ति निकै मेधावी, शान्त र निकै समझदार हुने गर्दछन् ।

२. तपाईं मानिसहरुलाई निकै इज्जत गर्नुहुन्छ त्यसकारण मानिसहरुका लागि आदर्श पनि हुनुहुन्छ ।

३. तपाईं सफा र स्वच्छ बिचारधाराका मालिक हुनुहुन्छ ।

४. तपाईंको भित्र नेतृत्व गर्ने गुण हुन्छ त्यसकारण तपाईं जुन क्षेत्रमा काम गर्नुहुन्छ त्यहाँको उच्च पद अवश्य हाँसिल गर्नुहुन्छ ।

५. तपाईं निकै मेहनत गर्नुहुन्छ र आफ्ना सामानहरु आफूले भने कै ठाउँमा होस् भन्ने चाहनुहुन्छ ।

६. स्वतन्त्रता तपाईंलाई मन पर्ने भएका कारण बन्धनमा बस्न चाहनुहुन्न ।

७. तपाईं चाँडै नै मानिसहरुलाई विश्वास गर्नुहुन्छ जसको प्रतिफल तपाईंले भोग्न पर्छ ।

८. तपाईंको धेरै साथी हुन्छन् तर साँचो मित्र निकै कम ।

९. तपाईं स्ट्रेट फरवार्ड हुनुहुन्छ र सुन्दरताको प्रिय हुनुहुन्छ ।

१०. बिहिबार जन्मेका व्यक्ति आकर्षक र अन्टेन्सन प्रिय हुने भएका कारण धेरैजसो यिनिहरु प्रेम विवाह गर्छन् । उनीहरुको वैवाहिक जीवन सुखमय हुने गर्दछ ।

११. स्वास्थ्यको दृष्टिकोणले बिहिबार जन्मेका व्यक्तिहरु धेरैजसो सानो–तिनो रोगको शिकार हुने गर्दछन् जस्तै ज्वरो, पेट दुखाई अथवा टाउको दुखाई ।

१२. बिहिबार जन्मेका व्यक्तिहरु धेरै पैसा कमाउने गर्दछन् र मन खोलेर खर्च पनि गर्छन् ।

शुक्रबार

१.शुक्रबार जन्मेका व्यक्तिको मन, दिमाग र शरिर निकै राम्रो हुने गर्दछ ।

२. तपाईंहरु धेरैजसो रचनात्मक क्षेत्रमा देखिनुहुन्छ ।

३. तपाईंलाई संगीत, फिल्मी क्षेत्र, मिडिया, खेलजस्ता कुराहरुले आकर्षित गर्ने गर्दछ ।

४. तपाईं मधुर स्वरमा बोल्नुहुन्छ र मनमोहक मुस्कानका मालिक हुनुहुन्छ ।

५. तपाईं निकै भावुक हुनुहुन्छ जसका कारण कहिलेकाँही तपाईं दुखी पनि हुनुहुनेछ ।

६. यदि तपाईं पुरुष हुनुहुन्छ भने महिलाहरुमा र महिला हुनुहुन्छ भने पुरुषहरुमा लोकप्रिय हुनुहुन्छ ।

७. तपाईं आफ्नो सम्बन्धमा निकै सजक हुनुहुन्छ तर कहिलेकाँही यहि सजकता नै सम्बन्धमा भारी पर्ने गर्दछ ।

८. तपाईंका निकै धेरै साथी हुन्छन् तर साँचो मित्र निकै कम ।

९. तपाईंलाई रिस निकै कम आउँदछ तर जब आउँछ नजिक भएका व्यक्तिको हालत खराब हुन्छ ।

१०. तपाईंको राम्रा गुणहरु नै तपाईंका लागि नराम्रो साबित हुन्छ ।

११. तपाईंसँग धनको कमी हुँदैन तर तपाईं त्यसलाई बचत गर्न सक्नुहुन्न ।

१२. तपाईंले प्रत्येक कुराहरुमा सफलता निकै ढिलो पाउनुहुन्छ तर जब पाउनुहुन्छ स्थायी रुपमा पाउनुहुन्छ अर्को शब्दमा भन्नुपर्दा तपाईं मेहनती हुनुहुन्छ र संघर्ष गर्न सक्नुहुन्छ ।

शनिबार

१.शनिबार जन्मेका व्यक्ति निकै गम्भीर र जिम्मेवार हुने गर्दछन् ।

२. तपाईं निकै मेधावी, बुद्धिमान र बिजनेस माइन्डका हुनुहुन्छ । अर्को शब्दमा भन्ने हो भने तपाईं हरेक कुरामा परफेक्ट हुनुहुन्छ ।

३. तपाईं हाइ क्लास वस्तुहरु मनपराउनुहुन्छ । तपाईंले लगाउने लुगादेखि जुत्तासम्मले तपाईंको हाई क्लास पर्सनालिटी झल्काउँछ ।

४. तपाईं हुन त सफा मनको हुनु हुन्छ तर कहिले काँही स्पष्ट वक्ताको रुपमा तपाईंको आलोचना पनि हुने गर्दछ ।

५. तपाईंको लागि कुनै पनि सम्बन्ध निकै महत्वपूर्ण हुने गर्दछ र साथीहरुको लागि जे पनि गर्न तयार हुनुहुन्छ ।

६. तपाईं पैसावाला हुनुहुन्छ तर तपाईं छिट्टै पैसा खर्च गर्नुहुन्न ।

७. तपाईंलाई संगीत र खेलमा रुची हुन्छ ।

८. तपाईंलाई रिस उठेपछि नराम्रो सँग उठ्छ भने गलत कुराहरुलाई सहन सक्नुहुन्न ।

९. तपाईं जिद्दि हुनुहुन्छ र आफूले भनेको जस्तै हुनुपर्छ भन्ने बिचार राख्नुहुन्छ ।

१०. तपाईं कसैलाई पनि ठेस पुर्याउन चाहनुहुन्न ।

११. तपाईंको वैवाहिक जीवन सुखमय हुन्छ किनभने तपाईं आफ्नो पार्टनरलाई निकै केयर गर्नुहुन्छ ।

(श्रोतः विभिन्न एजेन्सीहरु ) –- See more at: http://www.zoomnp.net/archives/20011#sthash.K1UkflMy.BAhEHRND.dpuf

Release Date: July 04, 2014. Staring artist playing role in this movie are Sushma Adhikari, Kanchan Shahi, Santosh Oli, Niranjan Thapa, Sapana Tandukar. Love story script written by Kanchan Shahi. It is a fully Romantic Love Story Movie. For upcoming more songs with latest updates please subscribe OSR Digital Channel.Nepal is a multi religious, multi lingual and a multi cultural country in south Asia, located on the lap of the Himalayas sandwiched in between giant China and India. Such diversity translates into diverse rituals in wedding customs among different cultural groups in Nepal. - See more at: http://www.kantipur-video.com/videos/nepali-official-movie-anautho-prem-katha/#sthash.iYeFxRFR.dpuf

She was one of the finalist. In fact, the only female finalist. Unfortunately, she could not make up to trophy but she did made up to heart of millions.Pepsi Buzz Fest Indira Joshi Singing song udreko choli and Dancing Hips(Shakira). Production of Mazzakoonline covers latest buzzes or recent spicy-hot News and Entertainment. Juicy and fresh gossips, scandals and rumors surrounding movie, fashion or arts—you can all get it here at one click. we have the most reliable team of news collectors. Watch Video published for entertainment purpo - See more at: http://www.kantipur-video.com/videos/indira-joshi-perfomance-udhreko-choli/#sthash.1hhjZhE5.dpuf

The scenario of the video goes like this, two women are talking with each other and one of the women is having problem with her fertility. She is sharing her problem with her friend as she says its been more than 9 years of her marriage and she is not being able to conceive, then another woman replies may be your husband has some problem. Then the woman says, no we have all test done. Watch video to know the program in more detail - See more at: http://www.kantipur-video.com/videos/nepali-comedy-hauguji-by-niraj-nepal/#sthash.OvRGdipX.dpuf

Thursday is dedicated to alleviating the bad influence of Lord S hani. The Vrat on this day is mainly observed by those people who believe in Hindu astrology. Black is the color of the day and people visit Shani shrine or Navagraha shrines. Food is only consumed once on the day. Saturday Fasting Dedicated To Hindu God Shani and Hanuman Talk about Shani or Sani to a Hindu and the first re action will be fear and then the mentioning of ill effects and troubles. Shani is dreaded by Hindus, especially by those who believe in astrology. Many people observe an Upvaas or fast to avoid the adversities and misfortunes on Shanivar or Saturday. It is believed that those who have the blessing of Lord Hanuman are protected from the wrath of Shani. Therefore many people make it a point to worship Hanuman at home or in temples. Black is the preferred color on Thursday. Shani, one of the Navagrahas, is worshipped in numerous temples and there are also temples exclusively dedicated to Sani. Devotees who are observing Shanivar Vrat usually visit Shani shrines. Black colored items like sesame til, sesame oil, black clothes, and black gram whole are offered to Shani. It must be noted here that the color of the idol of Shani is always black in color. Those devotees who fast on Saturday only take a single meal that too in the evening after prayers. Food prepared usually consis ts of sesame til or black gram or any other black colored food item. Salt is avoided by many on the day.

जनकपुर, १४ पुस । प्रहरी र प्रदर्शनकारीबीच झडपका कारण जानकी मन्दिर क्षेत्र तनावग्रस्त बनेको छ । प्रदर्शकारीले जानकी प्रहरी चौकीलाई लक्ष्य गरी पेट्रोल बम प्रहार गरिरहेका छन् । प्रदर्शनकारीले प्रहार गरेको पेट्रोल बमले चौकी नजिकै रहेको गोलघरमा आगो लागेकामा प्रहरीको सक्रियतामा नियन्त्रणमा आइसकेको जिल्ला प्रहरी कार्यालयले जनाएको छ । तीन दिनदेखि सो क्षेत्रमा प्रहरी र प्रदर्शनकारीबीच झडप जारी छ । प्रजिअ कालीप्रसाद पराजुलीका अनुसार प्रदर्शनकारीले चौकीलाई लक्ष्य गरी ३४ पेट्रोल बम प्रहार गरेका थिए । सोमबार पनि भएको झडपमा २२ प्रदर्शनकारी घाइते भएका थिए । -

जनकपुर, १४ पुस । प्रहरी र प्रदर्शनकारीबीच झडपका कारण जानकी मन्दिर क्षेत्र तनावग्रस्त बनेको छ ।
प्रदर्शकारीले जानकी प्रहरी चौकीलाई लक्ष्य गरी पेट्रोल बम प्रहार गरिरहेका छन् । प्रदर्शनकारीले प्रहार गरेको पेट्रोल बमले चौकी नजिकै रहेको गोलघरमा आगो लागेकामा प्रहरीको सक्रियतामा नियन्त्रणमा आइसकेको जिल्ला प्रहरी कार्यालयले जनाएको छ ।
तीन दिनदेखि सो क्षेत्रमा प्रहरी र प्रदर्शनकारीबीच झडप जारी छ । प्रजिअ कालीप्रसाद पराजुलीका अनुसार प्रदर्शनकारीले चौकीलाई लक्ष्य गरी ३४ पेट्रोल बम प्रहार गरेका थिए । सोमबार पनि भएको झडपमा २२ प्रदर्शनकारी घाइते भएका थिए ।

काठमाडौँ, १४ पुस । नेपाली कांग्रेसका उपसभापति रामचन्द्र पौडेलले नेताद्वय सुशील कोइराला र शेरबहादुर देउवालाई विश्राम लिन आग्रह गरेका छन् ।
नेपाली काँग्रेस गुल्मीले आयोजना गरेको ‘कस्तो बन्यो संविधान, सद्भाव र एकताको अभियान’ अन्तर्गत कार्यक्रममा सहभागी हुन सदरमुकाम तम्घास पुगेका नेता पौडेलले अब सधैँ भागबन्डाबाट पार्टी चल्न नसक्ने बताउँदै अब कार्यकर्ताका लागि मूल्याङ्कन गर्ने बेलवा भएको बताए ।
कोईराला र देउवा दुवैले सभापति र प्रधानमन्त्रीको अनुभव बटुलिसकेको हुँदा उनिहरुलाई आराम गर्न आग्रह गर्दै आफूलाई पार्टी सभापतिका लागि सहयोग गर्न अपिल गरे ।
यसपालि आफूले कुनै पनि हालतमा सभापतिमा उम्मेदवारी दिने घोषणा पनि उनले गरे । पौडेलले यही संविधानको सेरोफेरोमा रहेर मधेसको समस्या समाधान हुने बताउँदै काँग्रेसले सरकार बाहिरबाटै भए पनि मधेसको आन्दोलन अन्त्य गर्नका लागि भूमिका निर्वाह गरिरहेकाले अब मधेस आन्दोलन रोकिने विश्वास व्यक्त गरे ।

काठमाडौँ, १४ पुस । तराई मधेस लोकतान्तिक पार्टीका अध्यक्ष महन्थ ठाकुरले आगामि पुस १९ गतेपछि बस्ने संयूक्त लोकतान्त्रिक मधेसी मोर्चाको बैठकमा नाकाबन्दी अन्त्य गर्ने सहितको विषयमा छलफल हुने बताएका छन । मधेस आन्दोलनको सफल अवतरणको लागि ध्यानआर्कषित गर्दै रिपोर्टर्स क्लब नेपालले बुझाएको ज्ञापन पत्र बुझ्दै उनले भने,‘मोर्चाले समय समयमा आन्दोलनको स्वरुप परिवर्तन गर्दै आएको छ । अहिले पुस १९ गते सम्मको कार्यक्रम चलिरहेको छ । त्यसपछि बस्ने मोर्चाको बैठकमा नाकाबन्दी अन्त्यसहितका एजेण्डाहरुमा छलफल हुन सक्छ ।’ अध्यक्ष ठाकुरले आफूहरुको ११ बुँदे प्रस्तावमा बुँदा गत रुपमा छलफल गर्दै सहमति भएका विषयलाई एका तिर राखेर सहमति नबनेका विषयमा छलफल गर्दै जानु पर्ने भन्दै राज्यले विश्वासिलो बातावरण बनाए तीन महिनामा सीमांकन मिलाउने विषयमा पनि सहमति हुन सक्ने संकेत गरे । उनले भने,‘तीन महिनामा सीमांकन मिलाउने विषयमा हामीलाई विश्वास दिलाउन सक्नु पर्यो नि । अहिलेसम्म भएका लिखित सहमतिको उल्लघन भएको छ । तीन महिना भन्दा भन्दै चार महिना भईसक्यो कुरा मिलाएको भए भई हाल्थ्यो नि ।संविधानको प्रस्तावनादेखि अन्त्यसम्म हामीमाथि विभेदै विभेद छ । त्यहाँ जनयूद्ध राख्न हुने मधेस आन्दोलन राख्न किन नहुने ? यस्तो अवस्थामा कसरी विश्वास गर्नु ? संसदमा सडकमा पनि पेलिरहेका छन, संसदमा पनि पेलिरहेका छन ।’ अध्यक्ष ठाकुरले सरकारले बार्ताबाट समस्याको समाधान नचाहेकोले अहिलेसम्म समाधान नभएको भन्दै काग्रेस र एमाओवादीसँगको बार्ता पनि कुनै निष्कर्समा पुग्न नसकेको बताए । उनले भने,‘ अनौपचारिक रुपमा काग्रेस र एमाओवादीसँग बार्ता भईरहेको तर ती बार्ता पनि कुनै निष्कर्समा पुगेको छैन ।’ सरकारसँग आन्दोलन दवाउने वा माग पुरा गरेर समाधान गर्ने दुई विकल्प रहेको भन्दै अरुलाई जनावर नामाकरण गर्ने सरकारको आफ्नै जनावर जस्तै अमानवीय ब्यवहार रहेको आरोप लगाए । उनले भने,‘ मधेसीलाई जनावर जस्तै बुटले कुल्चिदा अर्को आमानवीय ब्यवाहार हुँदैन । त्यसैले दमन बन्द नभएसम्म सार्थक बार्ता हुन सक्दैन । सरकारको पछिल्लो क्रुरता सद्भावना पार्टीका राजेन्द्र महतोमाथि गरेको आक्रमणले प्रष्ट पारेको छ ।’ नाकाबन्दीकारण भुकम्प पीडितले ज्यान गुमाउनु परेको भनि सोधेको प्रश्नमा उनले भुकम्प पीडितलाई आफूहरुले सक्दो सहयोग गरेको दावी गर्दै भने,‘ प्राधिकरण विद्येयक पारित गर्न सहयोग गर्यौ । भर्खर सिईओ नियूक्त गर्दैछ । हामीले होईन् सरकारले काम गर्न सकेको छैन । हामीलाई विदेशी ठान्ने सरकारले आफ्ना नागरिकलाई बचाउनु पर्यो नि । हाम्रो समस्याको कारण तपाईहरु पनि पीडित हुनु भएको छ , यो कुरा सरकारले बुझेको छैन । ’ उनले थपे,‘मधेसमा सबैतिर लाठी चलाउँछन अनि हामी कहाँ गएर बस्ने ? दशगजामा पनि लाठि चलाउँछ । हाम्रो कुरा सुन्दैन उल्टै हामीलाई दोष लगाउँछन । अभाव हाम्रो कारण भएको होईन, सरकारको कारण भएको हो । - See more at: http://www.zoomnp.net/archives/19922#sthash.Zq5UrSqf.dpuf